ХЭРХЭН ШМТИС-ИЙН
ОЮУТАН БОЛОХ ВЭ?
ЦАХИМ БҮРТГЭЛ
Элсэгч өөрийн мэдээллээ цахимаар илгээж бакалаврын хөтөлбөрөө сонгоно.
ЭЕШ-Д ТЭНЦЭХ
Мэргэжил тус бүрийн босго оноог давсан байх шаардлагатай.
БАТАЛГААЖУУЛАЛТ
Сургууль дээр биеэр ирж, материалаа бүрдүүлж бүртгэлээ баталгаажуулна.
ГЭРЭЭ БАЙГУУЛАХ
Сургуультай суралцах гэрээ байгуулж сургалтын төлбөрөө төлнө.
ОЮУТАН БОЛОХ
Оюутны код, имэйл хаяг үүсч ШМТДС-ийн албан ёсны оюутан болно.
2026–2027 хичээлийн жил · 1кр = 220,000₮ · 4 жилд 120кр
Bachelor of Computer Science
Компьютерын ухааны хөтөлбөр
Компьютерийн үндсэн онол, алгоритм, програмчлал, хиймэл оюун ухаан, өгөгдөл боловсруулах аргачлалуудыг зааж, оюутныг асуудал шийдвэрлэх чадвартай, бүтээлч сэтгэлгээтэй инженер болгон бэлтгэнэ.
Bachelor of Software Engineering
Программ хангамжийн хөтөлбөр
Хэрэглэгчийн хэрэгцээнд нийцсэн чанартай программ бүтээх, инженерчлэлийн хандлагаар хөгжүүлэх, багийн дунд ажиллах чадвартай мэргэжилтэн бэлтгэх зорилготой.
Bachelor of Data Science
Өгөгдлийн ухааны хөтөлбөр
Мэдээлэл дээр суурилсан шийдвэр гаргах чадвартай, өгөгдөлд суурилсан бизнес ба технологийн асуудлыг шийддэг мэргэжилтэн бэлтгэнэ.
Бакалавр
Архитектурын хөтөлбөр
Барилга байгууламж, хот төлөвлөлтийн бүтээлч санааг архитектурын иж бүрэн зураг төсөл болгон хөрвүүлэх, дижитал технологийн тусламжтайгаар бодит мэт дүрслэл (визуализаци) гаргах, судалгаанд суурилсан төлөвлөлт хийх чадвартай, олон улсын стандартад нийцсэн архитекторыг бэлтгэхэд чиглэнэ.
Бакалавр
Барилгын инженер хөтөлбөр
Инженерчлэлийн салбарын хамгийн эртний бөгөөд суурь мэргэжил болох Барилгын инженерийн онол, практикийг орчин үеийн техник технологитой хослуулан эзэмшүүлэхэд чиглэнэ. Бид барилга байгууламжийн бүтээцийн дизайн, техникийн шийдлийг боловсруулахдаа мэргэжлийн өндөр ёс зүйг баримталдаг, нийгмийн өмнө хариуцлага хүлээх чадвартай, салбар бүрт хөрвөх чадвартай инженерийг бэлтгэхийг зорино.
Бакалавр
Механик инженерийн хөтөлбөр
Механик инженерчлэлийн сонгодог онолыг орчин үеийн өндөр технологи (робот техник, электроник, мэдээллийн технологи)-той интеграцчилан эзэмшүүлэхэд чиглэнэ. Бид механик системийн шинжилгээ, загварчлал хийхээс гадна тэдгээрийн автоматжуулалт, удирдлагын программ хангамжийг бие даан боловсруулах чадвартай, ирээдүйн "Ухаалаг үйлдвэрлэл"-ийн шаардлагад нийцсэн шинийг санаачлагч инженерүүдийг бэлтгэхийг зорино.
Бакалавр
Багш, математикийн боловсрол
Багш, математикийн боловсрол
ЭЕШ-1 Математик эсвэл Физик: 490 — ЭЕШ-2 Нийгэм, Англи хэл: 450 (ерөнхий)
Сургалтын төлбөрийн тэтгэлэг
ШМТИС-ийн «Тэтгэлэг, кредитийн урамшуулал олгох журам»-ын дагуу элсэгч болон суралцагчдад дараах тэтгэлэг олгоно. Дэлгэрэнгүй нөхцөлийг журмын бүрэн эхээс үзнэ үү.
Олимпиадад амжилт гаргасан элсэгч
Математик, физик, хими, биологи, мэдээлэл зүй, техник технологийн чиглэлийн олимпиадад медальт байр эзэлсэн 12-р ангийн элсэгчид:
- Улсын олимпиадын алт, мөнгө, хүрэл медаль — 100%
- Аймаг, нийслэлийн олимпиадын алт, мөнгө, хүрэл — 75%
- Дүүргийн олимпиадын алт, мөнгө, хүрэл — 50%
- Улсын олимпиадын тусгай байр — 50%
ЭЕШ өндөр оноотой элсэгч
Эхний жилийн сургалтын төлбөрөөс:
- 750–800 оноо → 100%
- 700–749 оноо → 75%
- 650–699 оноо → 50%
- 600–649 оноо → 30%
Үндэсний тэтгэлэгт сорилго — Science Challenge уралдаан
Уралдааны оролцогчдод:
- 95%-иас дээш гүйцэтгэлтэй эхний 5 сурагч — 100%
- Ангилал бүрийн 6–10 дахь сурагч — 50%
- 11–16 дахь сурагч — 40%
- 17–22 дахь сурагч — 30%
- 23–28 дахь сурагч — 20%
- 29–34 дахь сурагч — 10%
ШИНЭ МОНГОЛ-ын харьяа сургуулийн төгсөгч
Бакалаврын өдрийн ангид элсэгчид эхний семестрт:
- Шинэ Монгол сургууль — 20%
- Шинэ Монгол Харумафүжи сургууль — 20%
- Шинэ Монгол технологийн коллеж — 20%
- Шинэ Монгол-3 сургууль — 20%
Голч дүнгийн тэтгэлэг (суралцагч)
Хоёр улирал дараалан багадаа 15 кредит судалж, голч дүн 3.5-аас дээш бакалаврын суралцагчид:
- 3.9–4.0 голч дүн → 40%
- 3.8–3.89 голч дүн → 35%
- 3.7–3.79 голч дүн → 30%
- 3.6–3.69 голч дүн → 25%
- 3.5–3.59 голч дүн → 20%
Магистрын хөтөлбөрт элсэгч
Магистрын хөтөлбөрт элсэн суралцагчдад:
- ШМТИС-ийн бакалаврын төгсөгч — 20% хүртэл
- Салбар сургуулийн багш нар — 20%
- ШМТИС-ийн ажилтан болон тэдний гэр бүлийн гишүүн — 30%
- Хамтын ажиллагааны гэрээт байгууллагын ажилтан — захирлын гэрээгээр тогтооно