ТОВЧ ТАНИЛЦУУЛГА
Шинэ Монгол Технологийн Дээд Сургууль (ШМТДС) нь 2014 онд анх үүсгэн байгуулагдах үедээ Барилгын инженер хөтөлбөрөөр анхны элсэлтээ авч 2017 оноос эхлэн Архитектурын хөтөлбөрөөр элсэлт аван сургалт явуулж байгаа бөгөөд энэ хугацаанд Барилгын инженер хөтөлбөрөөр нийт 6 удаа, Архитектур хөтөлбөрөөр нийт 3 удаагийн төгсөлт хийгээд байна. Эдгээр төгсөгчдийн 10% нь дотоодын болон гадаадын Япон, Унгар, Турк, Австрали зэрэг улсуудад магистрантур, докторантурт суралцаж бусад нь дотоодын болон олон улсын төслүүдэд үндсэн мэргэжлээрээ ажиллаж байна.
ЭРХЭМ ЗОРИЛГО
Ажлын байрны шалгуурт нийцсэн, барилга, хот байгуулалтын салбарын ирээдүйн тогтвортой хөгжлийг хангах чадварлаг мэргэжилтнийг бэлтгэх, онол практикт суурилсан сургалт, судалгаа, мэргэжлийн үйлчилгээ үзүүлэхэд Барилга, Архитектурын тэнхимийн зорилго оршино.
ЗОРИЛТУУД
- Орчин үеийн идэвхитэй сурганы аргыг сургалтанд үр дүнтэй нэвтрүүлэх
- Багш нарыг мэргэшүүлэх чиглэлээр чадвахжуулах
- Сургалтын орчныг сайжруулах
- Мэргэжлийн хөтөлбөрүүдийг тасралтгүй сайжруулах
ҮНЭТ ЗҮЙЛ
Мэргэжлийн өндөр ёс зүй
Чанартай сургалт
Бүтээлч чанар
ТЭНХИМИЙН БҮТЭЦ
Одоогоор Барилга, Архитектурын тэнхим нь:
Ахлах багш 2
Багш 3
Гэрээт багш 1
нийтдээ 6 багшлах бүрэлдэхүүнтэйгээр сургалт, судалгааны үйл ажиллагаагаа явуулж байна.
Тус тэнхимийн эрхлэгчээр барилгын инженерийн ахлах багш Б.Отгонбаяр ажиллаж байна.
ШМТДС-н Барилгын инженер, Архитектурын хөтөлбөрийг сонгох шалтгаан
Монгол улсын хэмжээнд Барилгын инжненер, Архитектур мэргэжлээр мэргэжилтэн бэлтгэдэг цөөн хэдэн их дээд сургуулиуд байдаг ба ШМТДС-ийн эдгээр сургуулиудаас ялгарах гол онцлогуудыг дурьдвал:
- Нэг багшид ногдох оюутны тоо цөөн учир оюутан нэг бүрчлэн тулж ажиллах боломж
- Инженерийн боловсрол олгох идэвхитэй сургалтын CDIO арга зүйг нэвтрүүлсэн сургалт
- Багаараа зохион бүтээх төслүүд гүйцэтгэх замаар онолын мэдлэгээ практикт ашиглах
- 149 кредит цагийг 4 жилд багтаан судлах боломж /бусад их, дээд сургууль 5 жил/
- Сургалтын хугацаандаа Япон улсын их дээд сургуулиудтай хамтран явуулдаг Sakura Science хөтөлбөрт хамрагдаж Японы их дээд сургуулиудтай танилцах, дадлага хийх боломж
- Сургуулийн карьер төвөөр дамжуулан гадаадын их дээд сургуулиудад үргэлжүүлэн тэтгэлэгтэй суралцах боломж
зэрэг маш олон боломжуудыг оюутнууддаа олгодгоороо бусад их дээд сургуулиудаас давуу талтай.
Багш
ТОВЧ ТҮҮХ
Шинэ Монгол Технологийн Дээд Сургууль (ШМТДС) нь 2014 онд анх Англи хэлний тэнхим, Математикийн тэнхим, Байгалийн ухааны тэнхим хэмээх гурван тэнхимтэй үйл ажиллагаагаа эхлүүлээд, 2016 оноос тус гурван тэнхимээ нийлүүлэн Байгалийн ухааны факультет (БУФ) нэртэй болгож, 2018 оноос Ерөнхий эрдмийн тэнхим (ЕЭТ) хэмээн нэрлэн бүтэц, зохион байгуулалтыг нь өөрчилж иржээ.
ЭРХЭМ ЗОРИЛГО
Ерөнхий эрдмийн сургалтын үйл ажиллагааг чанартай, тогтвортой, мэргэжлийн өндөр түвшинд, тасралтгүй зохион байгуулна.
ЗОРИЛТУУД
Суурь шинжлэх ухааны онолын мэдлэг олгох
Онолын мэдлэгийг практиктай уялдуулан холбох
Хичээл хоорондын уялдаа холбоог хангах
Орчин үеийн сурганы аргыг сургалтанд үр дүнтэй нэвтрүүлэх
Шинэ монгол соёлыг төлөвшүүлж, хувь хүний ур чадварыг хөгжүүлэх
ҮНЭТ ЗҮЙЛ
Сургалтын уялдаа, холбоо
Бодит үнэнийг эрхэмлэх
Багаар ажиллах чадвар
Критикал тинкинг
ТЭНХИМИЙН БҮТЭЦ
Одоогоор Ерөнхий эрдмийн тэнхим нь:
Профессор багш 1
Дэд профессор 2
Ахлах багш 4
Гадаад багш 1
Гэрээт багш 2
нийтдээ 10 багшлах бүрэлдэхүүнтэйгээр сургалт, судалгааны үйл ажиллагаагаа явуулж байна.
Тус тэнхимийн эрхлэгчээр анли хэлний багш, магистр (MA) Б.Жавзандулам ажиллаж байна.
ЭРХЭМ ЗОРИЛГО
Мэдээлэл технологийн өндөр мэдлэг ур чадвартай, хандлагатай, ёс зүйтэй, судлаач инженерийг бэлтгэх, салбар бүрт тулгамдаж буй асуудлыг хувийн болон төрийн байгуулагатай хамтран судлан шийдвэрлэх.
ЗОРИЛТУУД
- CDIO аргазүйг сургалтандаа иж бүрэн хэрэглэх
- Хэрэгжүүлж буй бүх сургалтын хөтөлбөрөө үндэсний болон олон улсы хэмжээнд магадлан итгэмжлүүлэх
- Мэдээлэл технологийн салбарын компаниудтай хамтын ажиллагаа явуулах
ТЭНХИМИЙН БҮТЭЦ
- Профессор багш 0
- Дэд профессор 1
- Ахлах багш 3
- Гадаад багш 1
- Гэрээт багш 2
Багш нар
ТҮҮХЭН ЗАМНАЛ
Компьютерийн ухааны тэнхим нь анх байгуулагдахдаа Инженерийн факултетэд харьяалагддаг байсан бөгөөд 2014 онд Програм хангамжийн бакалаврын хөтөлбөрийг хэрэгжүүлж 2 оюутантай 1 багштайгаар үйл ажиллагаа явуулж эхэлсэн. Улмаар 2016 онд Програм хангамжийн магистр нээснээр Програм хангамжийн тэнхим байгуулагдаж 2022 онд Компьютерийн ухааны бакалаврын хөтөлбөрийг нээснээр Компьютерийн ухааны тэнхим болгож нэрээ өөрчлөн 3 мэргэжлийн хөтөлбөрийг хэрэгжүүлэн ажиллаж байна.
СУРГАЛТЫН ҮЙЛ АЖИЛЛАГАА
2018 онд анхны төгсөлтөө хийж эхэлснээр одоогоор 38 бакалавр, 3 магистрын зэрэг хамгаалсан байна. Төгсөгчдийн 100% нь үргэлжлүүлэн магистрын сургалт болон мэргэжлийн чиглэлээрээ ажиллаж байна.
2023-2024 хичээлийн жилийн байдлаар нийтдээ бакалаврын 2, магистрын 1 суралтын хөтөлбөртэй, 6 үндсэн багш, 2 гэрээт багш, 243 оюутантай үйл ажиллагаа явуулж байна.
Их өгөгдөл, өгөгдлийн олборлолт, хиймэл оюун, машин сургалтыг судалгааны тэргүүлэх чиглэл болгон профессор багш нар болон бакалавр магистрын оюутнууд судалгаа хийж байна. Судалгааны сэдэв болон чиглэлийг хамтран ажилладаг байгууллагын тулгамдсан асуудлыг шийдвэрлэхэд зорьж байна.
ХАМТЫН АЖИЛЛАГАА
Хамтын ажиллагааны хүрээнд хамтарсан судалгаа, танилцах болон үйлдвэрлэлийн дадлага, ажлын байраар хангах тал дээр монгол болон японы компаниудтай хамтран ажиллаж байна. Тэдгээрээс дурдвал: Mobicom LLC, And Global LLC, And Systems Tech, Grapecity LLC, Itzone гэх мэт
ШМТДС нь 2023 онд Япон улсын Ивате, Күрүмэ, Китамигийн улсын их сургуультай хамтын ажиллагааны гэрээ байгуулсантай холбогдуулан инженерийн мэргэжлээр 3+1 бакалаврын хөтөлбөр, 1+1 магистрын хөтөлбөр хэрэгжүүлэх гэж байна. Китамигийн Технологийн Их Сургуультай хамтарсан судалгаа хийх төлөвлөгөөтэй ажиллаж байна.
ОЛИМПИАД УРАЛДААНЫ АМЖИЛТ
- 2018
- Улсын програмчлалын XXVIII олимпиад – багийн төрлөөр 9,10-р байр
- Оюутны програмчлалын үндэсний X олимпиад – хүрэл медаль, тусгай байр
- 2019
- Улсын програмчлалын XXIX олимпиад – мөнгөн медаль, тусгай байр, багаараа мөнгөн медаль
- Оюутны програмчлалын XI үндэсний олимпиад – хүрэл медаль
- 2020
- Ковид-19 цар тахлын улмаас зохион байгуулагдаагүй
- 2021
- Ковид-19 цар тахлын улмаас зохион байгуулагдаагүй
- 2022
- Улсын програмчлалын XXX олимпиад – мөнгөн медаль, хүрэл медаль
- Оюутны програмчлалын үндэсний XII олимпиад – мөнгөн медаль
- Компьютерийн сүлжээ улсын X олимпиад – тусгай байр
- 2023
- Улсын програмчлалын XXXI олимпиад – хүрэл медаль, багаараа мөнгөн медаль
- Оюутны програмчлалын үндэсний XIII олимпиад – хүрэл медаль
- ICPC Hong Kong Зүүн Өмнөд Азийн Олон улсын олимпиадад Монгол улсаа төлөөлөн оролцсон
- DX Cup-2023 олон улсын хиймэл оюуны уралдаанд 3-р байр эзэлсэн
ТОВЧ ТАНИЛЦУУЛГА
Шинэ Монгол Технологийн Дээд Сургууль (ШМТДС) нь 2014 онд анх байгуулагдсан цагаасаа эхлэн Механик инженер, Цахилгааны инженер хөтөлбөрөөр анхны элсэлтээ авч 2016 оноос эхлэн Үйлдвэрлэлийн автоматжуулалт хөтөлбөрөөр элсэлт аван сургалт явуулж байгаа бөгөөд энэ хугацаанд Механик инженер, Цахилгааны инженерийн хөтөлбөрөөр нийт 6 удаа, Үйлдвэрлэлийн автоматжуулалт хөтөлбөрөөр нийт 2 удаагийн төгсөлт хийгээд байна. Эдгээр төгсөгчдийн 17% нь гадаадын Япон, Унгар, Турк, АНУ, БНСУ, Энэтхэг, Австрали зэрэг улсуудад магистрантур, докторантурт суралцаж байна. 21% нь Япон улсад үндсэн мэргэжлээрээрээ, 10% нь Швед, БНСУ, Австралид ажиллаж амьдарч байна. Зарим төгсөгчид маань Япон улсад магистр хамгаалаад аль хэдийн эх орныхоо томоохон компаниудад ажиллаж байна. Дотоодын томоохон компаниудад мэргэжлээрээ ажиллахаас гадна өөрсдийн хувийн бизнесээ эхлүүлсэн олон төгсөгчид байна.
ЭРХЭМ ЗОРИЛГО
Инженерчлэл, үйлдвэрлэлийн салбарт шинэ бүтээгдэхүүн шинээр санаачлах, зохиох бүтээх, хэрэгжүүлэх, ажиллуулах чадвартай, энтрепренер ур чадвартай мэргэжилтэн бэлтгэхэд сургалтын үйл ажиллагааг чанартай, тогтвортой, мэргэжлийн өндөр түвшинд, тасралтгүй зохион байгуулна.
ЗОРИЛТУУД
Мэргэжлийн суурь шинжлэх ухааны онолын мэдлэг олгох
Мэргэжлийн хичээлийн онолын мэдлэгийг практиктай уялдуулан холбох
Хичээл хоорондын уялдаа холбоог хангах
Орчин үеийн сурганы аргыг сургалтанд үр дүнтэй нэвтрүүлэх
Шинэ монгол соёлыг төлөвшүүлж, хувь хүний ур чадварыг хөгжүүлэх
ҮНЭТ ЗҮЙЛ
Мэргэжлийн өндөр ёс зүй
Чанартай сургалт
Бүтээлч чанар
ТЭНХИМИЙН БҮТЭЦ
Одоогоор Мехатроникийн тэнхим нь:
Профессор 1
Ахлах багш 1
Дадлагажигч Багш 1
Гэрээт багш 3
нийтдээ 6 багшлах бүрэлдэхүүнтэйгээр сургалт, судалгааны үйл ажиллагаагаа явуулж байна.
Тус тэнхимийн эрхлэгчээр Механик инженерийн багш, магистр (M.Sc) Ц.Ядамрагчаа ажиллаж байна.
ТОВЧ ТҮҮХ
Шинэ Монгол Технологийн Дээд Сургууль (ШМТДС) нь 2014 оноос химийн инженерчлэл болон нано шинжлэх ухаан ба инженерчлэл хөтөлбөрөөр бакалавр, магистрын сургалт явуулж эхэлсэн. Тус хөтөлбөрүүдээр 2018 онд анхны төгсөлт хийсэн ба одоогоор нийт бакалаврын 42, магистрын 8 оюутан амжилттай төгссөн байна.
ЭРХЭМ ЗОРИЛГО
Химийн инженерчлэлийн чиглэлээр олон улсын хөгжлийн нийтлэг чиг хандлагад нийцсэн сургалт, судалгааны үйл ажиллагаа явуулж улс орны хөгжилд хувь нэмэр оруулна.
ЗОРИЛТУУД
Химийн шинжлэх ухаан, инженерчлэлийн онол, практикын мэдлэг олгох
Мэргэжлийн ёс зүйтэй чадварлаг мэргэжилтэн бэлтгэх
Мэдлэгээ бүтээгдэхүүн болгох
Шинэ монгол соёлыг төлөвшүүлж, хувь хүний ур чадварыг хөгжүүлэх
ҮНЭТ ЗҮЙЛ
Сургалтын уялдаа, холбоо
Нийгмийн ёс зүйтэй хамт олон, суралцагчид
Бүтээлч хамт олон
Сургалт, судалгааны таатай орчин