Хөтөлбөрийн танилцуулга
Механик инженер бол механик системийг зохион бүтээх, шинжлэх, үйлдвэрлэх, засвар үйлчилгээ хийхэд инженерийн физик, математикийн зарчмууд материалын шинжлэх ухаан зэргийг хослуулан эзэмшдэг мэргэжилтэн юм. Манай сургуулийн механик инженерийн хөтөлбөрийн гол онцлог нь робот техникийг илүү нарийвчилсан. Суралцах хугацаандаа механикийн үндсэн суурь хичээлүүдээс гадна электроник, цахилгаан, автоматжуулалт, програм хангамжийн хичээлүүдийг судалснаар бусад ижил төстэй сургуулийн хөтөлбөрөөс ялгарч байгаа юм.
Механик инженерүүд компьютерийн тусламжтай дизайн (CAD), тооцоолол (CAE) үйлдвэрлэл (CAM), зэрэг хэрэгслийг ашиглан үйлдвэрлэлийн тоног төхөөрөмж, машин механизм, тээврийн систем, нисэх онгоц, усан онгоц, робот техник, эмнэлгийн хэрэгсэл, зэвсэг, халаалт, хөргөлтийн системийг зохион бүтээдэг.
Механик инженерчлэлийн салбарууд
- Сансар судлал
- Автоматжуулалт
- Автомашин
- Автономит системүүд
- Биотехнологи
- Нийлмэл материал
- Компьютерийн тусламжтай дизайн (CAD)
- Хяналтын систем
- Кибер аюулгүй байдал
- Дизайн
- Эрчим хүч
- Эргономик
- Хүний эрүүл мэнд
- Үйлдвэрлэл ба нэмэлт үйлдвэрлэл
- Механик
- Нанотехнологи
- Үйлдвэрлэлийн төлөвлөлт
- Робот техник
- Бүтцийн шинжилгээ
Технологи өөрөө механик инженерүүд хэрхэн ажилладагийг бүрдүүлсэн бөгөөд сүүлийн хэдэн арван жилд багаж хэрэгслийн багц нэлээд хүчирхэг болсон. Компьютерийн тусламжтай инженерчлэл (CAE) нь CAD-ийн ердийн арга техникээс эхлээд компьютерийн тусламжтай үйлдвэрлэл, компьютерийн тусламжтай инженерчлэл, төгсгөлийн элементийн шинжилгээ (FEA) болон тооцооллын шингэний динамик (CFD) зэрэг бүхий л зүйлийг хамарсан ерөнхий нэр томъёо юм. Эдгээр болон бусад хэрэгслүүд нь механик инженерчлэлийн хүрээг улам өргөжүүлж байна.
Яагаад Механик инженерийн чиглэлээр суралцах хэрэгтэй вэ?
Нийгэм нь механик инженерчлэлээс хамаардаг. Энэхүү мэргэшлийн хэрэгцээ нь маш олон салбарт маш их эрэлт хэрэгцээтэй байдаг. Ялангуяа автомашин, сансар судлал, электроник, биотехнологи, эрчим хүч, уул уурхай, хүнс хөнгөн үйлдвэрлэлийн салбарт ажлын байр үргэлж эрэлт хэрэгцээтэй байдаг. Манай сургуулийн механик инженерийн хөтөлбөрийг суралцаж төгссөнөөр мэргэжлээрээ улс орондоо төдийгүй Япон улсад ажиллах боломж нээлттэй байдаг. Цаашид судалгаа хийх сонирхолтой залуусыг дэмжин гадаад, дотоодын их сургуульд магистр, докторын сургалтанд хамруулахад дэмжлэг үзүүлэн ажиллаж байна.
Механик инженерүүдэд ямар ямар ур чадвар хэрэгтэй вэ?
Хувь хүний хувьд үнэнч шударга, эерэг хандлагатай, ямарч ажилд сэтгэлээсээ ханддаг, мэргэжлийн өндөр ёс зүйтэй. Гадаад дотоодын ямар ч байгууллагад ажиллаж буй ижил мэргэжлийн болон мэргэжлийн бус хүмүүстэй багаар ажиллах чадвартай, бичгийн болон ярианы харилцааны өндөр ур чадвартай . Инженерчлэл, үйлдвэрлэлийн салбарт шинэ бүтээгдэхүүн шинээр санаачлах, зохиох бүтээх, хэрэгжүүлэх, ажиллуулах чадвартай, энтрепренер ур чадвартай инженер бэлтгэн гаргах нь бидний зорилго юм.
Механик инженерүүд ямар ажил хийдэг вэ?
Механик инженерийн мэргэжил нь олон төрлийн ажлыг шаарддаг.
- Ерөнхий зохиомж
- Анализ хийх
- Илтгэл, тайлан бичих
- Олон талт багийн ажиллагаа
- Хамтарсан инженерчлэл
- Төслийн удирдлага
- Прототип хийх
- Хэмжилт, туршилт хийх
- Өгөгдлийн тайлбар
- Загвар хөгжүүлэх
- Судалгааны ажил
- Шинжилгээ (FEA болон CFD)
- Борлуулалт
- Зөвлөгөө өгөх
- Систем шинэчлэх
Механик инженер мэргэжлээр суралцаж төгссөнөөр дараах ажлын байранд ажиллана:
- Механик инженер
- Зохион бүтээгч инженер
- Зураг төслийн инженер
- Инженер техникийн ажилтан
- Тоног төхөөрөмжийн механик инженер
- Ашиглалтын инженер
- Роботын инженер
- CAD/CAE/CAM инженер