Хөтөлбөрийн тодорхойлолт
Програм хангамжийн инженер бол мэдээлэл технологийн салбар дундаа хамгийн
нарийн мэргэшсэн мэргэжил бөгөөд дотроо мөн олон төрлийн нарийн чиглэлээр
салбарладаг. Мөн системийн шинжилгээнд тулгуурлаж хэрэглэгчийн хэрэгцээ шаардлагыг
бүрэн хангасан, инженерчлэлийн асуудлыг бүрэн шийдсэн, дэд бүтэц орчиндоо тохирсон
техник болон програм хангамжийг угсрадаг, ашиглахад хялбар ойлгомжтой системийг
бүтээн цааш нь өргөтгөн сайжрууладаг. Тухайн програм хангамж системийг санаа гарсан
цагаас эхлээд суурилуулалт арчилгаа хүртэл бүхий л алхамыг хөтөлбөрийн турш нарийн
судалгааны хүрээнд мэргэжлийн суурь болон мэргэжлийн хичээлүүдээр онол, практикийн
ач холбогдолтой судлана. Компьютерийн ухааны салбарын түгээмэл судлагдаж буй дэд
салбаруудын үндэс суурийг судалснаар бакалаврын диплом хамгаалалт цаашлаад ажлын
байрны шаардлагад нийцэх судалгаа хийх ур чадварыг эзэмшинэ. Иймээс тус хөтөлбөрөөр
суралцагч нь мэргэжлийн ёс зүй, харилцааны өндөр чадвартай, тогтвортой хөгжлийн үзэл
баримтлалтай, энтрепренер боловсрол бүхий иргэн болж бэлтгэгдэх юм.
Хөтөлбөрийн зорилго
Програм хамгамжийн суурь болон шинэ технологийн үндсэн мэдлэгтэй, хувь хүний болон мэргэжлийн ур чадвартай, багаар ажиллах чадвартай, харилцааны өндөр чадвартай, үнэнч шударга, эерэг хандлагатай, мэргэжлийн ёс зүйтэй, бүтээгдэхүүн зохион бүтээх чадвартай, мэргэжлийн чиглэлээр хөрвөх чадвартай, энтрепренер чадвартай бакалаврын зэрэгтэй инженерийг бэлтгэхэд тус хөтөлбөрийн зорилго оршино.
Энэхүү хөтөлбөр дараах дөрвөн үндсэн зорилттой:
- Мэдээллийн технологийн салбарт ажиллаж, улс орны хөгжилд хувь нэмэр оруулах компьютерийн ухааны мэдлэгтэй, мэргэжлийн чиглэлээр хөрвөх чадвартай мэргэжилтэн бэлтгэх
- Хувь хүний хувьд үнэнч шударга, эерэг хандлагатай, ямарч ажилд сэтгэлээсээ ханддаг, мэргэжлийн өндөр ёс зүйтэй, ур чадвартай мэргэжилтэн бэлтгэх
- Гадаад дотоодын ямар ч байгууллагад ижил мэргэжлийн болон мэргэжлийн бус хүмүүстэй багаар ажиллах чадвартай, бичгийн болон ярианы харилцааны өндөр ур чадвартай мэргэжилтэн бэлтгэх
- Мэдээлэл технологийн салбарт шинэ бүтээгдэхүүн үйлчилгээ шинээр санаачлах, зохиох бүтээх, хэрэгжүүлэх, ажиллуулах чадвартай, энтрепренер ур чадвартай мэргэжилтэн бэлтгэх
Ажлын байр
| Өгөгдлийн шинжээч | Data scientist |
| Програм хангамж шалгагч | Software tester |
| Веб хөгжүүлэгч | Web developer |
| Системийн шинжээч | Systems analyst |
| Сүлжээний архитектор | Network architect |
| Програм хангамжийн инженер | Software engineer |
| Програм хангамж хөгжүүлэгч | Software developer |
| Фуллстак хөгжүүлэгч | Full-stack developer |
| Хэрэглэгчийн интерфейсийн дизайнер | User interface designer |
| Өгөгдлийн сангийн администратор | Database administrator |
| Үүлэн тооцооллын инженер | Cloud computing engineer |
| Мэдээллийн аюулгүй байдлын шинжээч | Information security analyst |
| Компьютерийн шинжлэх ухааны профессор | Computer science professor |
| Мэдээллийн аюулгүй байдлын мэргэжилтэн | Chief information security officer |
| Програм хангамжийн чанарын баталгаажуулалтын менежер | Software quality assurance manager |
| Мэдээллийн технологийн мэргэжилтэн | Information technology specialist |
| Гар утасны программ зохион бүтээгч эсвэл хөгжүүлэгч | Mobile application designer or developer |
| Судалгаа хөгжлийн (R&D) судлаач | Research and development (R&D) scientist |
| Компьютерийн шинжлэх ухааны судлаач | Computer science researcher |
| Хиймэл оюун ухаан, машин сургалтын инженер | Artificial intelligence and machine learning engineer |
Сургалтын төлөвлөгөө
