Шинэ Монгол технологийн дээд сургууль (ШМТДС) буюу NMIT нь 2014-2015 оны хичээлийн жилээс эхлэн математик, физик, хими, биологи, англи хэл гэсэн ерөнхий суурь хичээл заах багш нарыг ажилд шалгаруулж авна.

АЖЛЫН БАЙРАНД ТАВИГДАХ ШААРДЛАГА

Өргөдөл гаргагч нь мэргэжлийн чиглэлээр их дээд сургуульд магистр болон докторын зэрэг хамгаалсан байна. Эрдэм шинжилгээ болон багшийн ажлыг тогтвортой, амжилттай хийж байсан бөгөөд гадаад оронд эрдэм шинжилгээ, докторын дараах сургалт эрхэлж, багшаар ажиллаж байсан бол энэ нь тухайн хүнд давуу тал олгоно. Багш нар дараах чадварыг эзэмшсэн байх шаардлагатай. Үүнд:

1. Сүүлийн үеийн судалгааны үр дүн, ололт амжилтыг сургалтад ашиглах, хичээлийн эх материалд оруулах;
2. Хичээлийн нээлттэй материал (OCW), сургалтын нээлттэй нөөц материал (OER), массив нээлттэй онлайн хичээлийн материал (MOOC), онолын болон туршлагын хичээлийн агуулга (e-Contents), мөн олон улсын стандартад нийцсэн чанартай сурах бичиг ашиглах;
3. Гадаад болон дотоодын их дээд сургуулиудын багш, судлаач нарын сүлжээг идэвхтэй ашиглан сургалт-судалгааны нэгдлийг нягт уялдуулан хөгжүүлэх;
4. Өөрсдийн сургалт, судалгааны үр дүнг амьдрал практик дээр хэрэглэх, мөн хувийн хэвшил, бизнесийн салбар болон аж үйлдвэрийн эрэлтэд нийцүүлэх;
5. Суурь болон мэргэжлийн хичээлийг англи хэлээр бэлтгэх, заах чадвартай байх;
6. Сүүлийн үеийн сургалтын явуулах аргуудыг ашиглан оюутнуудын өөртөө итгэлтэй суралцах, тэднийг бүтээлч санаа сэдэлтэй болгох, санал бодлоо харилцан солилцох эрмэлзэлийг дэмжих, оюутан бүр судалгаанд тулгуурласан либерал сургалтын хөтөлбөрөөр суралцахад туслах;
7. Оюутнуудад байнга зөвлөгөө өгч, тэдэнтэй илэн далангүй харилцах;
8. Үнэнч шударга байдал, нээлттэй зарчим, шинжлэх ухааны ёс зүйг сахих;
9. Сургуулийн үйл ажиллагаа, сургалтын хөтөлбөрийн үнэлгээний байнгын үйл явц, чанарт тодорхой хувь нэмрээ оруулах;
10. Сургуулийн бодлого, үзэл баримтлал, хэрэгжүүлэх хөтөлбөр, төсөлд идэвхитэй оролцох.

ХӨДӨЛМӨРИЙН НӨХЦӨЛ

ШМТДС нь өргөдөл гаргагчийн ажлын туршлагыг харгалзан ажлын гүйцэтгэлд тохирсон цалингийн багцыг санал болгоно. Багш нар хоорондоо хамтран ажиллах, мөн өндөр хөгжилтэй орнуудын хамтын ажиллагааны гэрээтэй их дээд сургуулийн багш, профессоруудтай сургалт, судалгааны туршлага солилцох, богино хугацааны төрөлжсөн сургалт хөтөлбөрүүдэд хамрах боломж олгоно.
ШМТДС нь сонгон шалгаруулалтад тэнцсэн багштай эхний ээлжинд 2 жилээр гэрээ байгуулна. Жендерийн ижил боломж олгох зарчмыг баримтална. 

ӨРГӨДӨЛ ХҮЛЭЭН АВАХ ХУГАЦАА 

Өргөдлийг 2014 оны 7 дугаар сарын 1-ны өдөр хүртэл хүлээн авна.

БҮРДҮҮЛЭХ БИЧИГ БАРИМТ

Багш сонгон шалгаруулалтанд орох хүсэлтэй хүмүүс дараах материалыг
ganzo_oled@yahoo.com; ganzorig@nmit.edu.mn; info@nmit.edu.mn цахим хаягаар 2014 оны 7 дугаар сарын 1 хүртэл хугацаанд илгээнэ.Үүнд:

1. Хувь хүний танилцуулга (CV)
2. Ажилд орохыг хүсэгчийн өргөдөл. Өргөдлийн маягтыг (эндээс)-ээс татаж авч болно.
3. Өмнө нь ажиллаж байсан бол тухайн байгууллагын тодорхойлолт;
4. Ажлын туршлага, ур чадварыг нотлох бусад холбогдох баримт бичиг.  

ШАЛГАРУУЛАХ ЗАРЧИМ

Шалгаруулалтын эхний үе шат нь ярилцлага байна. Ярилцлагад тэнцсэн тохиолдолд шалгуулагчийн тухайн мэргэжил, ур чадвар, ажлын туршлага болон англи хэлний мэдлэгийг харгалзан үзэж багшаар сонгон авах эсэхийг шийдэж, хариуг өгнө.
ХОЛБОО БАРИХ ХАЯГ 

Баянзүрх дүүрэг, 25 хороо, 13 хороолол, Шинэ Монгол технологийн дээд сургууль
Утас: 9908-6451, 
Э-мэйл: ganzo_oled@yahoo.com; info@nmit.edu.mn; ganzorig@nmit.edu.mn 
Вэб хуудас: www.shinemongol.edu.mn; www.nmit.edu.mn